منوعات
قصيدة لما جيت اكتب عن امي مكتوبة
قصيدة لما جيت اكتب عن امي مكتوبة، تعتبر القصائد الشعرية من أبرز الأعمال التي قدمها الشاعر المصري الشهير والمحبوب هشام الجخ والذي جمع في قصائده ما بين الشعر الفصحى وشعر العامية والمعروف بالمظفر وقدم القصائد بأدائه المميز وحضوره الكبير على خشبات المسارح وكان من أشهر القصائد الشعرية التي ألقاها هي قصيدة لما جيت اكتب عن امي وهي قصيدة مؤثرة للغاية قدمها في أحد اللقاءات التلفزيونية ويرثي فيها وفاة والدته التي ابكت جميع المستمعين وفي مقالنا هذا اليوم سوف نتعرف على أهم كلمات قصيدة لما جيت اكتب عن امي ونبذة تعريفية عن الشاعر هشام الجخ و أهم قصائده.
قصيدة لما جيت اكتب عن امي مكتوبة
لما جيت أكتب عن أمي
قولت عنها شايله همي
قولت دي بتجري في دمي
قولت ياما حاجات كتير مش جديدة
لما جيت أكتب عن أمي عاجزة قدامي القصيدة
شايلة سرّي ..
كان زمان بيني و بينها حبل صري
اتقطع يوم الولادة و اتوصل حبل الواداد
حب متحولش عادة من كلام رب العباد
حبها أصلا عبادة
في التعب كانت بتسأل
جه مؤنث جه مذكر
جه بيضحك جه مكشر
جه على الدنيا بسلامة
وقتها ماكنتش بفكر
كنت بابكي و كانت بتحضن بابتسامة
وقتها مكنتش بفكر
ده الضنا جه من الضنى
لما جيت أكتب عن أمي لاقتني بكتب عني أنا
لما جيت اكتب عن أمي عاجزة قدامي الحروف
قام الألِف زعّق وقف
قاللي ما تفهم يا ولا
ده أنا مشترك في اسم من لا شريك له
و أول الاسم الألِف
و أول الأم الألِف
و دي مش صدف
ربك بيخلق من العدم خلق الألم وهنا علي وهن
شالتني لحد ما بلغت الحُلُم
و ياما بتدلع عليها و ياما بتمنع عليها
و ياما حاوطتني بجناحها
و ياما دمعت في عينيها
و من إيديا تاتا تاتا
و رجلي داست على البلاطة
و داس عليها عجل زماننا
و كانت بتحضني ببساطة
و لمابتعب كانت بتعب كانت تطبطب
كانت تجيبلي الشوكلاتة
كبرت فجأة
لاقتني بزهق من كلمها عن السجاير
عن العيال اللي مصاحبهم على الدراسة
خش ذاكر !
أجي اتدلع تقوللي ده إنت راجل
ده اللي قدك دخلوا دنيا
بص يا ابني
خلي بالك دي السنين زي الكلونيا
تحطها بتطير بسرعة
ماتلاقيش لهواها ريحة
السنين بجحة و صريحة
أمي مابتعرفش تجرح
بس ياما باتت جريحة
لما جت وقفت قصادي
قالتلي إنت امتدادي
إنت نور عيني إللي شبهي
إنت دونا عن ولادي
وقتها أنا كنت غاوي للغناوي
كنت أسيبها قاعدة و أنزل أترمي في حضن القهاوي
هي ديا أحلي عيشة
هاتلي نار علي فحم شيشية
هاتلي طاولة
أمي دي فاكراني طيشة
لأ دة أنا راجل بشنبي
بصوا دقني
و أما جالي الحزن داقني
و الزمان خد مني خانة
الدوا اللي عند أمي
مش لاقيه ف الاجزخانة
كل ليلة كنت برجع و الدُعا صالبلي ضهري
و التعب فارد طريقي و السنين بتقولي اجري
في الزمن عمال بسابق
بلتقي بحضن بفارق
زحمة الدنيا خدتني
مفتكرهاش إلا لما بس ألاقي الأكل حادق
إنت فين مش عارف أكل
اقعدي جانبي تعالي اسمعي أخر المهازل
مرة واحد حب ينجح قاله عنه إنّه فاشل
مرة واحد حب واحدة بس سبها لأنه عاطل
قالوا عني إني شبهك
قالوا واخد شكل شعرك
ضعف نظرك
و السنان البايظة منك
ياما جرحوني يا أمي و بدعاكي جت سليمة
هما لما يقولوا عني ابن أمي دي شتيمة !
كملي جميلك يا أمي و بعد عمر طويل أوي
روحي للرحمن قوليله ابني بيحبني أوي
ياما زعلني و سامحته
ياما زعقلي و كان يكفيني بس أشم ريحته
كان بينسي يقولي شكراً وأنا باديه من حياتي
بس أنا و انت إللي عالِم كنت بدعيله يوماتي
ربنا يهديه يسامحه
كان كتير يصعب عليا لما أشوف في عيونه جرحه
مهما يعمل لسة ابني إللي كان في اللفة خايف
مهما ينطق لسة سامعة ماما من أصغر شفايف
كملي جميلك يا أمي
و روحي للرحمن قوليله
هو ابني إمتدادي
هو نور عيني إللي شبهي
و أما جيت أكتب عن أمي
برضه كل كلامي عادي
الشاعر هشام الجخ
إسمه الكامل هو هشام كامل عباس محمود الجخ و أحد شخصيات الشهيرة على مستوى الوطن العربي كافة فهو شاعر وكاتب العديد من القصائد المختلفة وقام بإلقائها بشكل صوتي أمام الجماهير وفي البرامج وقام بإصدار الديوان الأول له خلال معرض القاهرة الدولي للكتاب في عام 2017 ميلادي وهو مواليد الاول من اكتوبر 1978 ميلادي يبلغ من العمر 44 سنة حاليا مقيم في مدينة سوهاج من جمهورية مصر العربية.
أهم قصائد الشاعر هشام الجخ
- قصيدة مصلتش العشاء
- قصيدة حلوة يا دنيا قصيدة أيوة بغير
- قصيدة عيد ميلاد
- قصيدة متزعليش
- قصيدة التأشيرة
- قصيدة الطناش
- قصيدة الصحاب
- قصيدة حظك كدة
- قصيدة طير ملاك
- قصيدة ملك النحل
- قصيدة لقطة الفراق 105
- قصيدة مش طبيعي
- قصيدة في حب مصر
- قصيدة ما فيش حد مات
- قصيدة مع ركعتين الفجر
لقد قدم الشاعر المصري الشهير هشام الجخ العديد من القصائد الشعرية المختلفة في كافة المناسبات داخل مصر و خارجها و لديه ما يزيد عن خمسة و خمسين قصيدة شعرية متنوعة المواضيع بأسلوبه الخاص و المميز.
