قصيدة عبدالله حسن عن الاب

قصيدة عبدالله حسن عن الاب، تعتبر قصيدة عبد الله حسن من ضمن القصائد التي قد تحدثت عن دور الأب، فهي تعتبر من القصائد التي انتشرت بشكل كبير في العديد من المواقع الالكترونية المتنوعة، حيث أن الشاعر في هذه القصيدة قد تحدثت عن فضل الأب في حياة ابنه، وكيف أنه يُقدم له العديد من النصائح المتنوعة في سبيل اصلاح حياته، فتعتبر هذه القصيدة من القصائد الجميلة المعبرة.

قصيدة عبدالله حسن عن الاب

تعتبر قصيدة عبد الله حسن هي من ضمن القصائد المُعبرة، فهي قد تحدثت عن فضل الأب في حياة أبنائه، فهو الدرع الواقي والحامي، ولقد تضمنت قصيدته كيفية أنه كان يقوم باغضاب والده وهو صغير، ولكن والده كان يُوجهه في الكثير من الأوقات، ولكن هذا الشاعر لم يفهم والده إلا في الكبر، وهي تعتبر من ضمن القصائد التي تضمنت معاني مُعبرة عن حب الأب، وخوفه على أبنائه.

قصيدة مفهمتوش على كبر لعبد الله حسن

لقد قدم الشاعر عبد الله حسن قصيدة مفهمتوش غير على كبر عبر البرنامج الذي قد شارك فيه عبر قناة المحور، فهو قد حلّ ضيقاً على برنامج 90 دقيقة، ولقد تحدث في هذا البرنامج عن والده، ما هو فضل والده عليه، وكيف أن والده قدم له العديد من النصائح المتنوعة في صغره، وهو كان يسعى من أجل اغضاب والده بشكل كبير، فلقد فهم كل المعاني المقصودة من كلام والده في كبره، وبالتالي قد عبر عن هذا الأمر من خلال قصيدة قدمها الشاعر وقالها في هذا البرنامج.

من هو الشاعر عبد الله حسن

يُعد الشاعر عبد الله حسن شاعر مشهور، وهو يعتبر من الشخصيات التي قدمت عدد كبير من الأشعار العربية، فلقد شارك في العديد من البرامج المتنوعة، ولقد تحدث في أحد هذه البرامج عن والده، وفضل والده عليه، ولقد عبّر هذا الشاعر عن الفضل الكبير لوالده عليه في حياته، ولقد تضمنت هذه القصيدة العديد من الكلمات والمعاني المهمة والمعبرة عن فضل الأب في حياة أبنائه.

قصيدة مفهمتوش على كبر كلمات

مفهمتهوش غير على كبر

وعرفت لما خلاص كبر

كان قصده ايه

بانت ملامح خطته

خبى حنينه في شخطته

وبصه عنيه

يا اول الصابرين

يا حمال الدموع

بسمع حكاوي اني

انا يوم ما اتولدت

يوم السبوع

ابويه كان بيشوف

مكان بين الضلوع

علشان انام

بسمع كلام

ايام زمان

اني انا لما مشيت

ركبني فوق ضهره

عشان يعمل حصان

وضحكت عجبتني اوي

انا ابويه ضهره كان قوي

شايل كتير

انا ابويه غير

اول بشر معرفش

قدامه الكسوف

معرفش خوف

عايز يابابا

خد عنيه .. يابني شوف

طياره دي .. انت سايبنا تاني ليه

هتجيبلي حاجه وانت جاي

هتجيبلي ايه ؟؟

بتسيبنا ليه ..علشان فلوس

تمن الدروس

فستان جديد لاختي وتكملة الجهاز

طب يعني ايه كلمه جواز

وسفر وتأشيره ؟؟

وحاولت اضحك والعنين حواليها تكشيره

انا ابويه سافر خد سنينه غصب في الشنطه

مجبور عليها في النهايه اسمها غلطه

واكمنه كان راجل جدع

من يوم خوفه اني اتوجع

من الغربه قاسى وصبر

مفهمتهوش غير على كبر

اول ايدين ابتدت تلعب على شعري

اول ايدين طبطبت شدتلي في ضهري

اول صديق ابتدي احكيله حكاويه

 

ولا عمره مني زهق

أول حنان يتخلق

مكتوب على اسمي

 

سبحانه لما وضع

الضعف في جسمي

قام زوده قوه

وفضلت اكبر واكبر

وفضلت اخد سنينه

شكلي يتغير

وفضل ابويه ابويه زي ما هو

ايه يعني شعره ابتدي

يخف او يبيض

صليت معاه الفرض

الكتف جنب الكتف

قلدته لما لبست

وغلبته انا في الرست

لما اتظاهر بالضعف

فجأه السنين بتلف

واحتل انا الصوره

وابويه بيسيب مكانه

يحمي بالبرواز

منسيتش انا ضحكنا

وتشجيعنا للكوره

فجأه اللي بيشدنا

بقي يمشي بالعكاز

سنه حياه دي ايه

انا ابويه مضعفشي

امال ده مين اللي

مسكني لما جيت امشي

صحيح كتير اتخنقت وقولت ” متسلط ”

انا كنت عيل بجد وعقلي متلخبط

ويدوب يدوب الزمن كشر لجأت اليه

سنه حياة دي ايه

كان مهما بتأخر برجع يكون صاحي

ده مكنش ابويه وبس ده صاحبي وسلاحي

من عمر عمري شقي وانا لسه بتربى

مهما البيبان قفلت بيبانه متواربه

وكأن كل السنين ده بشوف انا بعنيه

سنه حياة دي ايه

على صدره ريحني وعلى حضنه دفاني

والله ما جرحني الا اما قواني

على اسمه سبقني وعلى كدبي صدقني

حذرني انا ياما لاسنيني تسرقني

دلوقتي انا بتكسف .. دلوقتي انا بكتشف

اني قصاده صغير مهما عمري كبر

مفهمتهوش غير على كبر

انا ابويه كان اخر جبل مسنود على خيره

رصه هدومه والبدل تسريحته وسريره

اول مواني الامل اخر مواني الصبر

اول سفينه شقى اخر شراع في البحر

شوف كل ما في الامر

اني انا اتحطيت

بين عشقي للتوهان

ومعادي جوا البيت

بين قلقه لو تعبان

ودموعه لما بكيت

بين حفظه للقران

والف مره نسيت

بين اني اكون انسان

واصاحب العفاريت

كان نظره شايف بعيد

كان ابويه ديما صح

رغم الالم والجرح

اللي يجيب داغه

كمل وكان تعبان

ولما جاله الطوفان

شالني على دماغه !

محطنيش تحت رجله.. ولا قال أنا نفسي

لما اتحميت يوم في ضله عرفت من نفسي

محرمش من حاجه

الا عشان حاجه

ده ف وقت من حاجه

علمني ميت حاجه

والله انا مسواش

من غيره ولا حاجه ..

يارب انا قلبي

محتاج يدوب حاجه

تحميه من الحاجه

اقدر اقول واختصر

 

الدنيا دي في واحد

عرفته لما كبر

وانا بقيت واحد

 

الصفر مهما كبر

عمره ما كان واحد

الا لما يوم اتسند

على وقفه الواحد

انا صفر بيه اختلف

بوجوده بقى عشره

العمر منه اتكسف

واتكسفت العشره

يارب ده وحشني

ووحشني ووحشني

اتفرعنوا سنيني

وزماني هوشني

بالراحه ياسنيني

انا عود طري اخضر

 

روحي للي حاميني

وفي راحتي بيفكر

شوف الزمن يا با

قاسي وبيتجبر

ده انا كنت اموت من الرعب لما

تنادي وتكشر

واعمل منيش سامع واتهادى واتسهوك

الناس بقت يابا احضانها بتشوك

الناس بقت صعبه .. وكاني من الاول

يا حبيبي بتربى

وكأني لسه بفوق على دنيا قلابه

بمشي كما المزقوق على حافة الغابه

مقدرتش ابقى حمل و ولا يوم شبه الديابة

على مين انا هتكل لو سيبتني يابا

والله هتكسر ..

وهقولك ايه اكتر

من اني اقول

بابا